धुलिखेल–११ मा भएको आगलागी नियन्त्रणमा, के–के भयो क्षति ?

धुलिखेल नगरपालिका वडा नम्बर– ११ बानियाँछाप स्थित बलराम धितालको घरमा भएको आगलागी नियन्त्रणमा आएको छ । आगलागीबाट पिठो पिस्ने मेसिन एक थान,हाते ट्याक्टर एक थान, भुसा काट्ने मेसिन एक थान, मकै ७० मुरि, तोरी ३ मुरी, गँहु ३ मुरी, धान २ मुरी, जैँ घाँस १ मुरी, लत्ताकपडा, खाध्यन्न, भाडाँकुँडा, पराल, घर र सँगै रहेको गाईगोठ समेत गरी नौ लाख बराबरको क्षति भएको जिल्ला प्रहरी कार्यालय काभ्रेले जानकारी दिएको छ।

आज विहान ३ः५० को समयमा आगलागी भएको थियो । ढुङगा माटो र जस्ताले छाएको ३ तल्ले घरमा अचानक आगलागी भएको हो । घर नजिकै रहेको जस्ताको छाना जस्ताले बारेको गोठमा समेत आगलागी भएको छ । उक्त घरमा मानिस बस्ने नगरेको, अन्नपात राख्ने गरेको स्थानीयले बताएका छन ।