धुलिखेल नगर स्तरीय रास्ट्रपति रनिङ शिल्ड प्रतियोगिता आजबाट शुरु

धुलिखेल नगर स्तरीय रास्ट्रपति रनिङ शिल्ड प्रतियोगिता बुधबारबाट धुलिखेल खेल मैदानमा शुरु भएको छ । प्रतियोगिताको उद्घाटन नगरपालिका प्रमुख अशोक ब्यान्जुले भब्य समारोहका बिच गरेका छन।

प्रतियोगितामा नगर भित्रका ३९ विद्यालय मध्ये ३२ विद्यालयका ५ सय ५६ जना विद्यार्थी सहभागी छन । ५६ वटा बिधामा प्रतिस्पर्धा हुने प्रतियोगितामा विद्यालय स्तरीय खेलकुद कार्यक्रम पनि समाबेश हुने नगरपालिका शिक्षा तथा खेलकुद शाखाका प्रमुख भोजकुमार ठकुरीले जानकारी दिए । कक्षा ३ का ४ वटा बिधा, कक्षा ६ देखि ८ सम्मका १४ बिधा, कक्षा ९ देखि १२ सम्मका बिद्यार्थीले २८ वटा बिधामा प्रतिस्पर्धा गर्नेछन । भलिबलमा प्रथम र एथ्लेटिक्स लगायतका विभिन्न बिधामा प्रथम तथा दोस्रो हुनेहरुले जिल्ला स्तरीय प्रतियोगितामा भाग लिनेछन् । सामाजिक बिकास शाखाका संयोजक गणेश आचार्यको अध्यक्षतामा सम्पन्न कार्यक्रममा प्रमुख जिल्ला अधिकारी रुद्रादेवी शर्मा, प्रमुख प्रशासकीय अधिकृत सुरेन्द्र थापा मगर, सुरक्षा निकायका प्रमुखहरु, जन प्रतिनिधिहरु, विद्यालयका प्रधानाध्यापक तथा शिक्षकहरुको सहभागिता रहेको छ ।