नेपाली कांग्रसले पहिलोपटक प्रदेश सम्मेलन गर्दै,आज लुम्बिनी प्रदेश सम्मेलन

देश प्रदेश संरचनामा गएयता नेपाली कांग्रेसले पहिलोपटक पार्टीको प्रदेश सम्मेलन आजबाट सुरु गर्दै छ।

कांग्रेसले लुम्बिनी प्रदेशबाट आफ्नो प्रदेशस्तरको सम्मेलन सुरु गर्न लागेको हो। बुटवलको अन्तर्राष्ट्रिय सम्मेलन केन्द्रमा आज र भोलि दुई दिन चल्ने सम्मेलनको उद्घाटन पार्टी सभापति शेरबहादुर देउवाले गर्ने कार्यक्रम छ।

उद्घाटन समारोहलाई पूर्वप्रधानमन्त्रीसमेत रहेका सभापति देउवासहित कांग्रेसका वरिष्ठ नेता डा. शेखर कोइराला, महामन्त्रीद्वय गगनकुमार थापा र विश्वप्रकाश शर्मा, सहमहामन्त्री किशोरसिंह राठौर तथा सातै प्रदेशका पार्टी सभापतिले सम्बोधन गर्ने तयारी छ।