सञ्जिवनी माविले जित्यो धुलिखेल नगर स्तरीय राष्ट्रपति रनिङ्ग शिल्डको उपाधी
धुलिखेल नगर स्तरीय रास्ट्रपति रनिङ शिल्डको उपाधी संजीवनी मावि धुलिखेलले जितेको छ । शनिबार प्रतियोगिताको समापनसँगै उत्कृष्टहरुलाई नगरपालिका प्रमुख अशोक ब्यान्जुले पुरस्कार वितरण गरेका छन् ।
नगर स्तरीय राष्ट्रपति रनिङ्ग शिल्ड प्रतियोगितामा एथलेटिक्स तथा भलिवल तर्फ समेत १० स्वर्ण, ४ रजत र २ काश्य पदक गरि १६ पदक प्राप्त गर्दै संजीवनी माबि धुलिखेल राष्ट्रपति रनिङ्ग शिल्ड २०८० को बिजेता बनेको हो । त्यस्तै ४ स्वर्ण, ५ रजत र २ काश्य गरि १२ पदक प्राप्त गर्दै धुलिखेल हाईस्कुल धुलिखेलले दोश्रो स्थान र ४ स्वर्ण, ५ रजत र २ काश्य गरी ११ पदक प्राप्त गर्दै सेतीदेवी मा.बि धुलिखेल २ रबिओपीले तेश्रो स्थान हासिल गरेको छ ।
शनिबार आयोजित समापन खेलमा भलिवल छात्र तर्फ संजीवनी मा.बि प्रथम, हनुमान मा.बि द्वितीय र कालिका मा.बि शारदा बतासे तृतीय भएका थिए । छात्रा तर्फ संजीवनी मा.बि प्रथम, पूर्ण संजीवनी लंखनामाई मा.बि द्वितीय र हनुमान मा.बिले तृतीय स्थान हासिल गरेका छन् ।
इम्मानुयल इ बोर्डिङ स्कुल, पूर्ण सञ्जिवनी लंखनामाई, श्रीखण्डपुर मावी, डिभाइनलाईट इ बोर्डिङ स्कुल, कालीदेवी मावि डाँडागाउँ, सरस्वती मावी बडालगाउँ, हनुमान पात्लेखेत, शंखेश्वर महालक्ष्मी मावि, माउन्ट भ्यू, देबीस्थान मावि, कालिका मावी र गोल्डेन सिद्धार्थ एकेडेमीले विभिन्न पदकहरु जितेका छन् । एथेलेटिक्स तर्फ २६ वटा स्वर्ण, रजत पदक २६, काश्य पदक २६ गरी ७८ वटा पदक थिए भने भलिबल तर्फ २ स्वर्ण, २ रजत, २ काश्य पदक प्राप्त भएका छन् ।
प्रतियोगितामा नगर भित्रका ३९ विद्यालय मध्ये ३२ विद्यालयका ५ सय ५६ जना विद्यार्थी सहभागी थिए । ५६ वटा बिधामा प्रतिस्पर्धा भएको प्रतियोगितामा विद्यालय स्तरीय खेलकुद कार्यक्रम पनि समाबेश भएको नगरपालिका शिक्षा तथा खेलकुद शाखाका प्रमुख भोजकुमार ठकुरीले जानकारी दिए । कक्षा ३ का ४ वटा बिधा, कक्षा ६ देखि ८ सम्मका १४ बिधा, कक्षा ९ देखि १२ सम्मका बिद्यार्थीले २८ वटा बिधामा प्रतिस्पर्धा गरेका थिए । भलिबलमा प्रथम र एथलेटिक्स लगायतका विभिन्न बिधामा प्रथम तथा दोस्रो हुनेहरुले जिल्ला स्तरीय प्रतियोगितामा भाग लिनेछन् ।
सामाजिक बिकास शाखाका संयोजक गणेश आचार्यको अध्यक्षतामा सम्पन्न कार्यक्रममा जनप्रतिनिधिहरु, विभिन्न शाखाका प्रमुखहरु, विद्यालयका प्रधानाध्यापक तथा शिक्षकहरुको सहभागिता रहेको थियो ।
