साँगामा मंसिर २० गतेदेखि २९ औं आइजीपी रनिङ ट्रफी फुटवल हुने

नेपाल पुलिस स्कुल साँगामा मंसिर २० गतेदेखि २९ औं आइजीपी फुटवल रनिङ ट्रफी २०८० सुरु हुने भएको छ । प्रहरी अतिरिक्त महानिरीक्षक मिरा चौधरीले एक विशेष समारोहका बीच कार्यक्रम उद्घघाटन गर्ने तय भएको छ ।

नेपाल पुलिस स्कुल सागाँको खेल मैदानमा खेल सञ्चालन हुनेछ । यस वर्ष १६ विद्यालयका १७ वटा टिमले प्रतिस्पर्धा गर्ने नेपाल पुलिस स्कुलका प्राचार्य मोहन पौडेलले जानकारी दिए । प्रतियोगितामा काभ्रे जिल्ला लगायत उपत्यका र उपत्यका बाहिरका विद्यालयको सहभागिता रहनेछ ।

उद्घघाटन खेल आयोजक नेपाल पुलिस स्कुल साँगा र काठमाण्डौ विश्वविद्यालय हाइ स्कुल चौकोटबीच हुनेछ । लिग कम नकआउट आधारमा खेलाइने प्रतियोगिता आगामी पौषको पहिलो सातासम्म चल्नेछ । प्रतियोगिताको पहिलो, दोस्रो र तेस्रो हुने टिमले क्रमसः ५० हजार, ४० हजार र ३० हजार नगद सहित ट्रफि, मेडल र प्रमाणपत्र प्राप्त गर्नेछन । यसका साथै व्यतिगत विधामा उत्कृष्ट खेलाडीहरुलाई पनि विशेष पुरस्कारको व्यवस्था गरिएको छ ।