एमालेले सुरु गरेको ‘झुलाघाट–चिवाभञ्ज्याङ समृद्धिका लागि संकल्प यात्रा’ आज सकिँदै

नेकपा एमालेले सुरु गरेको ‘झुलाघाट–चिवाभञ्ज्याङ समृद्धिका लागि संकल्प यात्रा’ आज समापन हुँदै छ । ‘सम्बन्ध स्थानीय ः सन्देश राष्ट्रिय’ नाम दिइएको एमालेको यात्रा मंसिर १४ गते बैतडीको झुलाघाटबाट सुरु भएको थियो । यात्राको १८ औं दिन आज पाँचथरको चिवाभञ्याङमा राष्ट्रिय झन्डा फहराएर समापन गर्ने कार्यक्रम छ । कार्यक्रमको शुभारम्भ बैतडीको झुलाघाटमा अध्यक्ष ओलीले राष्ट्रिय झन्डा गाडेर गरेका थिए । पाँचथरको फिदिमबाट चिवाभञ्ज्याङ पुगेर राष्ट्रिय झण्डा झण्डोत्तोलनसहित यात्राको समापन हुने एमालेले जनाएको छ ।