अबैध रुपमा ल्याइएको १६ हजार केजी प्याज काभ्रेभञ्ज्याङबाट बरामद

अवैध रुपमा ल्याइएको १६ हजार ४० किलोग्राम प्याज काभ्रे प्रहरीले बरामद गरेको छ । धुलिखेल नगरपालिका वडा नम्बर ९ काभ्रेभञ्ज्याङ चेकपोष्टबाट उक्त परिमाणमा प्याज बरामद गरिएको जिल्ला प्रहरी कार्यालय काभ्रेले जनाएको छ ।

पुर्वबाट आएका सवारी साधनहरु चेक जाँच गर्ने क्रममा पुरानो बिल सहित अवैध रुपमा ल्याइएको ४ वटा टाटा योद्धा गाडी र ३ वटा बलेरो गाडीमा अन्दाजी ४०१ थान बोरा (प्रति बोरा ४० किलो को दरले) १६ हजार ४० किलो प्याज बरामद गरिएको हो । बरामद गरिएको प्याज आवश्यक कार्वाहिको लागि गाडी सहित राजस्व अनुसन्धान बिभाग हरिहर भवन ललितपुर पठाइएको प्रहरीले जनाएको छ ।

बजार मुल्य अनुसार प्रतिकिलो १७० का दरले अन्दाजी २७ लाख २६ हजार आठ सय रुपैया बराबरको प्याज बरामद भएको हो ।

ना ५ च २३६१ नं.को बोलेरो गाडिबाट प्रति बोरा ४० किलोग्रामको ६० बोरा, म.प्र. ०२–००१ च. १०९० नं.को बोलेरो गाडिबाट प्रति बोरा ४० किलोग्रामको ५५ बोरा, ज. १ च. १६६७ नं.को बोलेरो गाडिबाट प्रति बोरा ४० किलोग्रामको ६० बोरा, प्र.१–०१–००१ च. ८५५९ नं.को योद्धा गाडिबाट प्रति बोरा ४० किलोग्रामको ६२ बोरा, प्र.२–०४–००१ च. २५२३ नं.को योद्धा गाडिबाट प्रति बोरा ४० किलोग्रामको ५० बोरा, प्र. २–०४–००१ च. ००३८ नं.को योद्धा गाडिबाट प्रति बोरा ४० किलोग्रामको ५७ बोरा र प्र. २–०४–००१ च ००८९ नं.को योद्धा गाडिबाट प्रति बोरा ४० किलोग्रामको ५७ बोरा प्याज बरामद भएको प्रहरीले जनाएको छ ।