मेलम्चीको पानी माग्दै काठमाडौंमा रित्तो भाँडा प्रदर्शन

काठमाण्डौंमा मेलम्चीको पानी माग्दै रित्तो भाँडा सहित प्रदर्शन भएको छ । काठमाडौं उपत्यका मेलम्ची खानेपानी सङ्घर्ष समितिले मेलम्चीका पानी छिटो काठमाडौं ल्याउन माग गर्दै विरोध प्रदर्शन गरेको हो। उनीहरुले पानी राख्न प्रयोग हुने जार, बाल्टी, गाग्री, कलश लगायतका सामग्री प्रदर्शन गरेका छन। सो क्रममा उनीहरुले मेलम्ची पानी छिटो खोल, मेलम्ची खानेपानी माथिको चलखेल बन्द गर् लगायतका नारासमेत लगाएका थिए। काठमाडौंको कोटेश्वरदेखि मिनभवनसम्म प्रदर्शन भएको थियो ।