गोविन्द शर्माको अध्यक्षमा नेल्टा काभ्रेको नयाँ कार्यसमिति गठन

काभ्रे/अङ्ग्रेजी भाषा शिक्षकहरूको संगठन नेल्टा काभ्रे को सम्मेलनका साथै कार्यशाला गोस्टी शनिबार बनेपामा सम्पन्न भएको छ ।
नेल्टा काभ्रे अध्यक्ष अग्नि प्रशाद ज्ञवालीको अध्यक्षता तथा नेल्टा केन्द्रीय कोषाध्यक्ष अशोक सापकोटाको प्रमुख आतिथ्यतामा भएको कार्यक्रममा नेल्टा बागमती प्रदेश अध्यक्ष रामेश्वर ठाकुर र काठमाडौं विश्वविद्यालयका सहप्राध्यापक डा हेमराज काफ्ले विशेष आतिथ्यता र नेल्टा बागमती प्रदेश कोषाध्यक्ष बेगबहादुर थापाको आतिथ्यता रहेको थियो । नेल्टा काभ्रे का सहसचिव ओमप्रकाश वाइबाले उपस्थित सबैलाई स्वागत गर्नुभएको थियोे । नेल्टा काभ्रे अध्यक्ष अग्नि प्रशाद ज्ञवाली ले उक्त कार्यक्रममा नेल्टा काभ्रेले आफ्नो कार्यकालमा गरेका कार्यक्रमहरुको बारेमा प्रस्ट पार्नु भएको थियो । कार्यक्रममा नेल्टा केन्द्रीय कोषाध्यक्ष अशोक सापकोटाले सम्मेलनमा Using Growth Mindset in ELT शीर्षकमा प्रस्तुति गर्नुभएको थियो ।

ज्ञानकुञ्ज शैक्षिक प्रतिस्ठानको सभाहलमा सम्पन्न उक्त कार्यक्रममा सोही प्रतिस्ठानको आर्थिक सहयोग रहेको थियोे । रामेश्वर ठाकुरको संयोजकत्वमा गठित तीन सदस्यीय निर्वाचन समितिमा नविनजंग शाही र माधब तिमल्सिना सदस्य रहनुभएको थियोे । सम्मेलनले गोविन्द शर्माको अध्यक्षतामा १० सदस्यीय समिति गठन गरेको छ । उपाध्यक्षमा ओम प्रकाश वाइबा, सचिव गंगाराम कडेल ,कोषाध्यक्षमा मनुका अधिकारी, सह(सचिवमा महेन्द्र थिङ्ग र सदस्यहरूमा हेम राज ढकाल ,कृष्ण हरि हुमागाईं ,हिमाल के।सी , सुजना तिमल्सिना र सरोज कुइकेल चयन हुनुभएको थियो ।