आजबाट अंग्रेजी नयाँ वर्ष २०२४ शुरु,पर्यटकीय क्षेत्रमा विशेष कार्यक्रम

आजबाट अंग्रेजी नयाँ वर्ष इस्वी सन् २०२४ शुरु भएको छ । सन् २०२३ लाई बिदा गर्दै आजबाट सन् २०२४ सुरु भएको हो । जिजस क्राइस्टलाई फाँसी दिएपछि इस्वी सम्वत्को सुरुआत भएको भन्ने मान्यता रहेको छ ।

विश्वव्यापी मान्यता पाएको ‘इस्वी सन्’ को नयाँ वर्ष केही समय यता नेपालमा पनि शुभकामना आदान प्रदान गरि मनाउन थालिएको छ ।

नेपालमा विदेशी पर्यटकहरुको चहलपहल हुने स्थानहरु काठमाडौंको ठमेल, बौद्ध, भक्तपुरको नगरकोट, पोखरा, सौराहा, लुम्बिनी मा नयाँ वर्ष २०२४ को स्वागत गर्दै आइतबार राति ‘न्यू इयर इभ’ मनाइएको छ ।आज पनि नयाँ वर्षको अवसरमा विविध कार्यक्रम आयोजना गरिएको छ । पर्यटकीय स्थल आन्तरिक तथा बह्य पर्यटकले भरिभराउ भएका छन् ।