अनेरास्ववियु चण्डेश्वरी माविको आयोजनामा फुटसल प्रतियोगिता

अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) चण्डेश्वरी मावि कमिटिले फुटसल प्रतियोगिता आयोजना गरेको छ । नाला फुटसल ग्राउण्डमा भएको प्रतियोगितामा ६ टिमको सहभागिता रहेको थियो । फुटसलको उपाधी टिम ई ले जितेको छ । यस्तै टिम एफ उपविजेता बनेको छ । टिम ई को क्याप्टेन सुसिल बजगाई हुन् भने टिम एफ थोर्गन मगरले कक्षा ८ को नेतृत्व गरेका थिए । उपाधी जितेसँगै टिम इ ले नगद ३ हजार, ट्रफी, मेडल र प्रमाणपत्र प्राप्त गरेको छ भने उपविजेता टिम एफले नगद २ हजार, मेडल र प्रमाणपत्र प्राप्त गरेको छ । प्रतियोगितामा उत्कृष्ट खेलडी टिम एफका प्रदिप चौहान, घोषित भएका छन् । उत्कृष्ट गोलरक्षक टिम इ का जेनिश बहाला श्रेष्ठ भएका छन् । फुटसल प्रतियोगिताको उद्घाटन समारोहमा अनेरास्ववियुका केन्द्रिय सचिव डाक्टर सुजन कडरियाको प्रमुख आतिथ्यता रहेको थियो । अनेरास्ववियु चण्डेश्वरी मावि का अध्यक्ष सुचन श्रेष्ठको सभापतित्व रहेको कार्यक्रममा अनेरास्ववियु काभ्रेका अध्यक्ष मिलन गौतम, नेकपा एमालले सल्लाहकार परिषद उपाध्यक्ष तुल प्रसाद दाहाल, नेकपा एमाले जिल्ला कमिटी सदस्य रामशरण दाहाल, बनेपा नगरपालिका वडा नम्बर ४ का वडा अध्यक्ष श्यामसुन्दर श्रेष्ठको उपस्थिती रहेको थियो । प्रतियोगितामा नगर अस्पतालका डाक्टर अर्चना आचार्य र स्वास्थ्य सहयोगी सुवास गौतमले स्वास्थ्य उपचारमा सहयोग गरेका थिए ।