हतकडीसहित अदालतबाट भागेका थुनुवा पक्राउ

काठमाडौं। काठमाडौं जिल्ला अदालत परिसरबाट हतकडीसहित भागेका थुनुवा भक्तपुर स्थित जडिबुटीबाट पक्राउ परेका छन्। ठगी मुद्दामा थुनछेकका लागि अदालतमा उपस्थित गराइएका सिन्धुपाल्चोकका कमल खड्का बुधबार भागेका थिए ।

जिल्ला प्रहरी परिसर काठमाडौंको टोलीले खड्कालाई भक्तपुरबाट पक्राउ गरेको परिसरका प्रवक्ता एसपी कुमोद ढुंगेलले जानकारी दिए। खड्कालाई प्रहरी वृत्त महाराजगन्जको टोलीले अदालतमा उपस्थित गराएको थियो ।

प्रहरीका अनुसार खड्काको डेरा भक्तपुरमा थियो। उनी डेरामा लुकेको खबर पाएपछि प्रहरीले पक्राउ गरेको हो।