बनेपामा प्रथम मेयर कप तेक्वान्दो च्याम्पीयनसिप

बनेपा÷काभ्रे तेक्वान्दो एकेडेमी बनेपाको आयोजनामा प्रथम मेयर कप तेक्वान्दो च्याम्पीयनसिप २०८० बनेपामा आयोजना गरिएको छ । नगर प्रमुख शान्तिरत्न शाक्य र उपप्रमुख विमला सापकोटाले च्याम्पीयनसिपको एक कार्यक्रमका बीच काभ्रे तेक्वान्दो एकेडेमी हलमा उद्घाटन गरेका छन् ।

संस्थाका संस्थापक अध्यक्ष राजमन्दिर श्रेष्ठको अध्यक्षतामा सम्पन्न कार्यक्रममा नेपाल तेक्वान्दो एकेडेमीका निर्वतमान अध्यक्ष अन्जन धमला, अध्यक्ष प्रविणकुमार कार्की लगायतका विभिन्न क्षेत्रका ब्यक्तिहरु सहभागि थिए । कार्यक्रममा एकेडेमीका किशोरबरुण श्रेष्ठले स्वागत मन्तब्य राखेका थिए । सोहि अवसरमा पौष २० र २१ गते सम्पन्न ११ औ राष्ट्रिय तेक्वान्दो प्रतियोगितामा मेडल विजेता अंसुल धिताल, अम्श्रिण पुँवार थापा, रिक्साङ वाईवा र कोपिला स्याङतानलाई सम्मान गरिएको थियो । च्याम्पीयनसिपमा विभिन्न विद्यामा खेलाडीहरुले सहभागिता जनाएका छन् ।