पनौती ईट्टेमा अटो दुर्घटना हुँदा ४ जना घाइते

पनौती नगरपालिका वडा नम्बर ९ ईट्टेमा अटो दुर्घना हँदा ४ जना घाइते भएका छन । मध्यान्ह १२ः०० बजेको समयमा पनौती ९ ईट्टे स्थित शंखुबाट पनौती आउदै गरेको ना २ ह ३६४२ नम्बरको अटो आफै अनियन्त्रित भई सडकबाट अन्दाजी ८ फिट तल पल्टिदा ४ जना घाइते भएका हुन् ।

अटोमा चालक सहित ६ जना सवार थिए । उनीहरु मध्ये मध्ये ४ जना घाईते भएका हुन् । उनीहरुको जिल्ला अस्पताल धुलिखेलमा उपचार भई रहेको छ । अटो दुर्घटनामा रोशी गाउँपालिका–३ बस्ने अ.बर्ष ७० की रोमाकुमारी अधिकारी, पनौती न.पा.१२ बस्ने अ. बर्ष ४१ की चन्द्रावती के.सि, पनौती न.पा.१० खोपासी बस्ने अ. बर्ष ३५ की बिमला खत्री र अटो चालक काभ्रे जिल्ला पनौती न.पा. ९ बस्ने अ. बर्ष २३ को बिकाश तिमिल्सिना घाइते भएका छन ।

अधिकारीको टाउको र दाहिने हातमा चोट लागेको छ भने अवस्था अवस्था गम्भिर रहेको छ । चन्द्रावती के.सिको अनमुहारमा सामान्य चोट लागेको छ । अटो चालक तिमिल्सिना दाहिने घुँडामा चोट लागेको छ ।