आज पनि बढ्यो सुनको मूल्य

काठमाडौं / नेपाली बजारमा आज (शुक्रबार) सुनको भाउ बढेको छ । सोमबारदेखि बढ्न सुरु भएको सुनको मूल्य आज पनि बढेको हो ।

बिहीबार प्रतितोला १ लाख १९ हजार २ सय रुपैयाँमा कारोबार भएको छापावाला सुन आज ३ सय रुपैयाँले बढेको हो । आज छापावाला सुन १ लाख १९ हजार ५ सय रुपैयाँ प्रतितोलाका दरले कारोबार भइरहेको छ ।

तेजावी सुन तोलामा १ लाख १८ हजार ९सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । चाँदीको मूल्य ५ रुपैयाँले बढेको छ । यस दिन चाँदि प्रतितोला १ हजार ४सय१५ रुपैयाँमा कारोबार भइरहेको हो ।