जिल्ला समन्वय समिति काभ्रेका प्रमुख दिपककुमार गौतमले काभ्रेका किसानहरु समस्यै समस्याबाट अगाडी बढ्नुपरेको बताएका छन । वृहत काभ्रेपलाञ्चोक कृषि महोत्सवको उद्घाटन कार्यक्रमलाई बनेपामा सम्बोधन गर्दै उनले समस्या समाधान नभए मुख्यमन्त्री र मन्त्रीको ढोकामा अनसन बस्ने समेत चेतावनी दिएका छन । टोपीका घेरा फाटेका, फरियाका घेरा फाटेका किसानहरुलाई अगाडी राखेर किसानहरुको पीडा र व्यथा राष्ट्रपतिलाई व्यक्त गर्न पाउँदा खुसी लागेको उनले बताए । उनले भने, किसानलाई हामीले कहिलेपनि सम्मान गर्न जानेनौं । कृषिलाई सममानित पेशा बनाउन सकेनौं । देशमा समृद्धि भन्ने कुरा भाषणमा मात्रै सिमिति भइरहेको छ ।

यो महोत्सवले किसानलाई सम्मान गर्न सिकाउने समेत उनले बताए । काभ्रे समृद्धिको आधार कृषि मात्रै रहेको उनको भनाई थियो । कृषि उपज बिचौलियाले कब्जा गरेको, दुध सडकमा पोख्नुपर्ने, गोलभेंडा सडकमा फाल्नुपर्ने बाध्यता रहेको उनको गुनासो छ ।
राष्ट्रपति रामचन्द्र पौडेललाई साक्षी राखेर उनले आउने वर्ष काभ्रेपलाञ्चोक जिल्लाले पर्याप्त मल पाएन भने मुख्यमन्त्री र मन्त्रीकोे ढोकामा हामी अनसन बस्ने बताए । वृहत काभ्रे कृषि महोत्सव रचनात्मक आन्दोलन र खबरदारी भएको समेत उनले उद्घोष गरेका छन ।

भिडियो