धुलिखेलमा बागमती प्रदेशका २३ पालिकाका प्राविधिकहरुलाई उर्जा दक्षता प्रर्वद्धन सम्वन्धी तालिम
धुलिखेल/बागमती प्रदेशका २३ वटा स्थानीय तहका प्राविधिक इन्जिनियरहरुलाई दुई दिने नविकरणीय उर्जा अन्र्तगत उर्जा दक्षता प्रर्वद्धन सम्वन्धी तालिम शुरु गरिएको छ । धुलिखेल लज रिसोर्टमा आयोजित तालिमको धुलिखेल नगरपालिका प्रमुख एवं नेपाल नगरपालिका संघका निवर्तमान अध्यक्ष अशोक ब्याञ्जुले गरेका छन् । भवन दक्षता उर्जा नेपाल (विन)ले उक्त तालिमको आयोजना गरेको हो ।
कार्यक्रममा बोल्दै नगर प्रमुख ब्याञ्जुले प्राविधिकहरुले भवनहरुको डिजाईन गर्दा उर्जा ब्यवस्थापनका बारेमा नागरिकहरुलाई अनिवार्य सँगै बुझाउने र सम्झाउने प्रयत्न गरेमा मात्रै उर्जा दक्षता कार्यक्रम प्रभावकारी हुन सक्ने बताए । ‘हामी नीति बनाउँछौं, तपाई प्राविधिकहरुले त्यसको कार्यान्वयनमा नागरिकहरुसँग समन्वय र सहकार्य गर्नु आवश्यक छ’–नगर प्रमुख अशोक ब्याञ्जुले भने–‘प्राविधिकहरु डिजाईनमा मात्रै नभई समुदायको पनि इन्जिनियर भएकाले समुदायका हितका लागि गरिने डिजाईनले ब्यक्ति, राष्ट्र र समुदायलाई फाईदा पुग्ने छ ।’ उर्जा सञ्चिति गर्न सकिएको अवस्थामा मुलुकको आर्थिक, सामाजिक समृद्धीका लागि समेत योगदान पुग्न सक्ने नगर प्रमुख ब्याञ्जुले बताए ।
बैकिल्पक उर्जा प्रर्वद्धन केन्द्रका कार्यकारी निर्देशक नवराज ढकालले प्राविधिकहरुको समन्वय र सहकार्यबाट मात्रै उर्जा प्रर्वद्धन, उर्जाको दक्षता प्रर्वद्धन कार्यान्वयन हुन सक्ने बताए । नेपालले राष्ट्रिय उर्जा दक्षता प्रर्वद्धन सम्वन्धी निती पास गरेर कार्यान्वयन गरेको धेरै लामो नभएकाले स्थानीय तहमा कार्यरत प्राविधिकहरुका लागि उक्त नीति र नीति अनुसारको डिजाईन, समुदायमा कार्यान्वयन र बैकल्पिक उर्जाको प्रर्वद्धन महत्वपूर्ण हुने उनले बताए । दिगो विकास लक्ष्यको सातौ नम्वरमा उर्जा भएकाले उर्जाको माध्यमबाट मुलुकको समृद्धी सम्भव बनाउन नयाँ निर्माण हुने सबै भवनहरुमा उर्जाको सञ्चिती, ब्यवस्थापन र प्रयोगका लागि त्यहि डिजाईन अनुसारका नक्साहरु निर्माण हुनु पर्ने निर्देशक ढकालले बताए । मानविय कृयाकलापले समेत बढिरहेको उत्र्सजनलाई कम गर्न विश्वले लिएका नीतिहरुलाई समेत नेपालले अंगिकार गर्दै नेपालले उर्जा पछि जलबायु परिवर्तनको संकटबाट समेत मुक्त हुने गरी कार्य अघि बढाउनु पर्ने उनले बताए ।
