प्रमुख जिल्ला अधिकारी रुद्रादेवी शर्माले रुढीवादी, परम्परागत सोच, अन्धविश्वास र ब्यवहार कानून भन्दा बलिया भएकाले त्यसलाई दोष दिएर कोहि पनि निकाय र ब्यक्ति उम्कन नमिल्ने बताईन् । ‘समानताका लागि निर्माण भएका कानुनहरु सबै ब्यक्ति र निकायहरुले कार्यान्वयन गर्नु पर्छ’–प्रमुख जिल्ला अधिकारी रुद्रादेवी शर्माले भनिन–‘कानून भएर ब्यवहारमा लागु गर्न सकिएन भने त्यसको औचित्य रहँदैन ।’ प्रमुख जिल्ला अधिकारी शर्माले लैङ्गिकता भित्र महिला हिंसाका घटना धेरै हुने गरेको बताईन् । कार्यक्रममा पाँचखाल नगरपालिका उपप्रमुख सुर्यमाया दनुवार, विभिन्न पालिकाका जनप्रतिनिधिहरु, सुरक्षा निकायका प्रमुखहरु, विभिन्न कार्यालयका प्रतिनिधिहरुको सहभागिता रहेको थियो ।