नमोबुद्धमा जनप्रतिनिधिहरु संलग्न योजनामै ‘नक्कली’ सामाग्रीको प्रयोग
अबैद्य खानीको विगविगीमा पालिकाको मौन स्विकृति
नेचुरल ग्राभेल प्रयोग गरिएको जनकमावी चुहाने जाईटार सडक खण्ड
वडा नम्वर ५ स्थित वडा अध्यक्ष सुरे तामाङले आफ्नै घर मुनी संचालन गरेको अबैद्य खानी । जसबाट एक हजार टिप भन्दा धेरै सामाग्री विभिन्न स्थानमा विक्री भईसकेको छ ।
त्यस्तै नमोबुद्ध नगरपालिका वडा नम्वर ७ मा दुईवटा अबैद्य खानी संचालन भईरहेका छन् । भकुण्डे काक्रे सडक निर्माणका लागि प्रयोग गरिएका अधिकांश निर्माण समाग्री धर्मशालामा संचालन भएको अबैद्य खानीबाट उत्पादन गरिएको छ । आशिष लामाले उक्त खानी संचालन गरिरहेका छन् । जनप्रतिनिधि नाताले आफ्नै पर्ने आडमा आशिषले अबैद्य खानी संचालन गरिरहेका छन् । नमोबुद्ध नगरपालिका भित्र संचालन हुने अबैद्य खानी र क्रसर तथा योजनाहरुमा प्रयोग हुने निर्माण सामाग्रीमा सम्झौता भन्दा फरक सामाग्री प्रयोग गरेर अनियमित भईरहेको छ । नमोबुद्ध नगरपालिका वडा नम्वर २ मा आकाश तामाङले खानी संचालन गरिरहेका छन् । वडा नम्वर ३ मा पनि जनप्रतिनिधिकै आडमा सडक छेउमा परेको भन्दै खानी संचालन गरिएको छ । वडा नम्वर ४ मा बालुवा खानी संचालन भएको छ । वडा नम्वर ५ मा आईते सिं तामाङले खानी संचालन गरिरहेका छन् भने वडा नम्वर ६ मा पनि जनप्रतिनिधिहरुको संलग्नता अबैद्य रुपमा खानीहरु संचालन भईरहेका छन् । वडा नम्बर ७ मा आशिष लामाले खानी संचालन गरेका छन् । वडा नम्वर ८ मा पनि अबैद्य रुपमा खानी संचालन भएको छ । वडा नम्वर १० बाहेक सबै वडामा अबैद्य रुपमा कुनै न कुनै प्रकारका खानी संचालन गरिएको छ । जसबाट उत्पादित सामाग्रीहरु योजनामा तथ अन्य क्षेत्रमा पनि पठाउने गरिएको छ । स्थानीयहरुले अबैद्य खानीबाट उत्पादित धुलोबाट हुन सक्ने असर तथा अन्य जोखिमका सम्भावित दुर्घटनाका बारेमा जनप्रतिनिधि आफै संलग्न भए पछि नागरिकहरुले गर्ने अपेक्षा को सँग गर्ने ? प्रश्न गरेका छन् । प्रमुख प्रशासकिय अधिकृत ईश्वरीप्रसाद शर्माले आफुलाई अवैद्य खानीका बारेमा केहि जानकारी नभएको तर बुझ्ने प्रतिक्रिया दिए ।
वडा नम्वर ७ मा संचालन भएको अबैद्य खानी ।
साथमा भिडियो :
