बिपी राजमार्ग स्थित नमोवुद्ध–२ बेलामा १० टन खाने तेल बोकेको ट्रक दुर्घटना

बिपी राजमार्ग स्थित नमोवुद्ध नगरपालिका वडा नम्बर २ बेलामा तेल बोकेको ट्रक दुर्घटना भएको छ । पुर्व तराइबाट काठमाण्डौं तर्फ आउँदै गरेको प्र २–०४–००१ ख ००६७ नम्बरको ट्रक आज विहान करिव ४ः१० बजेको समयमा दुर्घटना भएको हो ।

१० टन खाने तेल बोकेको आइचर ट्रक आफैं अनियन्त्रित भई सडकबाट ७० मिटर तल खसेको छ । दुर्घटनामा परि सुनसरी इटहरी उपमहानगरपालिका वडा नम्बर १ बस्ने वर्ष ३४ का रामु तिमल्सेना घाइते भएका छन ।

उनलाई थप उपचार लागि धुलिखेल अस्पताल ल्याइएको छ । घटना बारे अनुसन्धान भइरहेको प्रहरीले जनाएको छ ।