विपत्तिको कहरमा काभ्रेपलाञ्चोक: २५७७ पूर्ण क्षति, ७५१ आंशिक र ६८ घर स्थानान्तरणमा
काभ्रेमा विपद व्यवस्थापनमा भावी रुपरेखाका बारेमा कार्यालयले खाका तयार गरेको छ । हिउँद (चिसोयाम) भित्रिए संगै सुरक्षित आवासको खाँचो छ्र । तथ्याङ्क अनुसार अन्दाजी २ हजार ५ सय घर निजि आवास पुनर्निर्माण गर्नुपर्ने देखिएको छ्र । त्यस्तै, २० वटाको हाराहारीमा सरकारी तथा सार्वजनिक भवनहरु पुनर्निर्माण गर्नु पर्ने देखिएको छ्र । केहि ठाउँमा बस्ती नै तहस नहस भएकाले सुरक्षित क्षेत्रमा एकीकृत बस्ती विकास गर्नुपर्ने छ्र । संघ र प्रदेश सरकारबाट आवश्यक कार्यक्रम, योजना र बजेटको व्यवस्था हुनु पर्ने, जिल्लामा छुट्टै विपद व्यवस्थापन कार्यालय र पुनःनिर्माण कार्यालय स्थापना गरि कार्य अगाडि बढाउन पर्ने, तिनै तहका सरकार बिच आवश्यक सहकार्य र समन्वयमा पुनःनिर्माण कार्य अगाडि बढाउनु पर्ने सुझाव प्रस्तुत गरेको कार्यालय प्रमुख भुमिनन्द ढकालले जानकारी दिए ।
जिल्लामा ६८ घर परिवार स्थानान्तरण गर्नु पर्ने छन् । खानिखोलामा ५, मण्डनदेउपुरमा १३, चौरीदेउरालीमा २३, पाँचखालमा १३, रोशीमा ९ र बेथान्चोकमा ५ घर परिवार स्थानान्तरणका लागि आवेदन दिएका छन् ।
