रोशी १ का वडाध्यक्ष लामाको निधनप्रति एमाले काभ्रेद्वारा शोक वक्तव्य जारी

बनेपा/ काभ्रेको रोशी गाउँपालिका वडा नम्बर १ का वडाध्यक्ष श्रीदास लामाको निधनमा नेपाल कम्युनिष्ट पार्टी(एमाले) जिल्ला कमिटी काभ्रेले शोक वक्तव्य जारी गरेको छ । एमाले काभ्रेका अध्यक्ष राजन भुर्तेलले जारी गरेको शोक वक्तव्यमा लामा पार्टीको कुशल र जुझारु नेताको साथै जनप्रिय जनप्रतिनिधि रहेको उल्लेख छ।

क्यान्सर रोगको उपचार गर्दै आएका उनको आइतबार उपचारका क्रममा निधन भएको हो । नेकपा एमाले जिल्ला कमिटी सचिवालय सदस्य समेत रहेका लामा २०७४ को निर्वाचनमा पनि वडाध्यक्ष थिए । उनको निधनको शोकमा रोशी गाउँपालिकाले सोमबार शोक बिदा दिएको थियो ।