रामेछापबाट काठमाडौंका लागि छुटेको यात्रुबाहक बस काभ्रेको भुम्लु गाउँपालिका–८ पौवामा दुर्घना भएको छ । रामेछाप डोरखानी बाट काठमाण्डौको लागी छुटेको बा ३ ख ८४०८ नम्बरको यात्रुबाहक बस दुर्घटना हुँदा २३ जना घाइते भएका छन् । ब्रेक फेल भएर बस दुर्घना भएको जिल्ला प्रहरी काभ्रेले जनाएको छ । घाइतेको धुलिखेल अस्पतालमा उपचार भइरहेको छ । चालक प्रहरी चौकी दोलालघाटको नियन्त्रणमा छन् ।

घाईतेहरुः
१.जिल्ला रामेछाप दोरम्बा गा.पा २ बस्ने अ. बर्ष ४६ को भिम बहादुर मगर मुख र घोडामा चोट अबस्था मध्यम ।
२.ऐ.दोरम्बा ७ बस्ने बर्ष अ.४४ को नम्बर सिंह तामाङ मुख र घाँटीमा चोट अबस्था मध्यम ।
३.ऐ.ऐ.४ बस्ने बर्ष ४६ की फुल माया तामाङ टाउकोमा चोट मध्यम ।
४.जिल्ला काभ्रे चौरिदेउराली गा.पा.३ बस्ने बर्ष अ.३० को राम बहादुर चापागाई कम्मरमा भित्री चोट अवस्था मध्यम
५.ऐ.भुम्लु गा.पा.५ बस्ने अ. बर्ष ४५ को मिन बहादुर बि।क।दाहिने आखा र देब्रे कुममा चोट अबस्था मध्यम ।
६.रामेछाप दोरम्बा ७ बस्ने बर्ष अ.२८ को भुवन थापा मगर ओठमा चोट सामान्य ।