रुसी विमान दुर्घटना, ४९ जनाको मृत्युको आशङ्का

रुसको सुदूर पूर्वी अमुर क्षेत्रमा बिहीबार दुर्घटना भएको अङ्गारा एयरलाइन्सको एन्टोनोभ–२४ (सोभियत–इरा एन–२४) यात्रुबाहक विमान अवतरणको क्रममा नै आगो लागेर जलेको पुष्टि भएको छ।

टिन्डा विमानस्थलका निर्देशकका अनुसार, विमान जमिनमा ठोक्किएसँगै आगलागी भएको थियो। घटनापछि क्षेत्रको हवाई निगरानीका लागि परिचालित ९एमआइ–८०० हेलिकप्टर टोलीले कुनै पनि जीवित यात्रुको संकेत फेला नपरेको जानकारी दिएको छ।

रुसी नागरिक सुरक्षा तथा आगो नियन्त्रण केन्द्रले राज्य समाचार संस्था ताससँग दिएको जानकारीमा भनिएको छ,“टिन्डा विमानस्थलका निर्देशकका अनुसार विमान जमिनमा ठोक्किएपछि आगो लागेको हो, र घटनास्थल माथिबाट उडिरहेको हेलिकप्टरले कुनै पनि बाँचेकाको संकेत देखेन।”

दुर्घटनास्थल अमुर क्षेत्रको टिन्डा नजिकै रहेको पहाडी र दुर्गम क्षेत्र हो। विमानमा सवार ४९ जनामध्ये सबैको ज्यान गएको आशंका गरिएको छ। उद्धार कार्य अवरुद्ध भएको छ । यसको मुख्य कारण जंगलयुक्त भूगोल र कठिन मौसम रहेको अधिकारीहरूले बताएका छन्।