‘अग्नि’का अध्यक्ष रविन्द्र र प्रवन्धक राहुल कारागार चलान, यसरी गरिन्थ्यो बचतकर्ताको रकम झ्वाम

संचालक समितिका सचिव सन्तोष पाण्डेलाई १० लाख धरौटी माग गरिएको छ । धरौटी बुझाउन नसकेका कारण उनि पनि कारागार चलान भएका छन् । संचालक सदस्य दिनेश बैद्य, ऋण अधिकृत विकास गौतम र प्रकाश पौडेललाई एक एक लाख धरौटीमा छाड्ने आदेश भएको छ । यस अघि नै सरकारी वकिल कार्यालय काभ्रेले पक्राउ परेका उज्वल बैद्यलाई मुद्दा नचलाउने निर्णय गरेको थियो । प्रहरी सरकारी वकिल कार्यालयसँग असन्तुष्ट छ भने उज्वल विरुद्ध जाहेरी दिने पीडित पनि असन्तुष्ट छन् । सरकारी वकिल कार्यालयले गरेको निर्णय उपर चित्त नबुझे पुनरावेदन जाने अधिकार पीडित पक्षलाई बाँकी छ । सरकारी वकिल कार्यालयले आफ्नो कार्यक्षेत्र भित्र रहेर मुद्दा नचलाउने निर्णय गरेको प्रतिक्रिया दिएको छ । बैद्य एक महिना भन्दा धेरै प्रहरी हिरासतमा रहेका थिए । संलग्न अन्यलाई पक्राउ पुर्जि जारी गर्ने आदेश भएको छ । दुई वर्ष अघि गरुढ सहकारीका सबै संचालकहरुलाई पुर्पक्षका लागि कारागार पठाउने आदेश भएको थियो ।