धुलिखेल अस्पतालमा एन्डोस्कोपी र अल्ट्राउन्डमा नविनतम र उन्नत विधीको प्रयोगात्मक अभ्यास सम्वन्धी कार्यशाला

धुलिखेल/ग्यास्ट्रो फाउण्डेशन जर्मनीको सहकार्य र एन्डोस्कोपी तालिम केन्द्र धुलिखेल अस्पतालको संयुक्त आयोजनामा एन्डोस्कोपी र अल्ट्रासाउन्डमा नविनतम र उन्नत विधिको एन्डोस्कोपी र अल्ट्रासाउण्ड सम्वन्धी ब्यावहारिक कार्यशाला गोष्ठी धुलिखेल अस्पतालमा सम्पन्न भएको छ । गोष्ठी दुई दिन संचालन भएको थियो । यो १२ औ कार्यशाला गोष्ठी हो ।

एन्डोस्कोपिक प्रकृयाका सन्दर्भमा डा.निरज जोशी, डा.विनोद कार्की, डा.सुरेश थापा, डा.सन्दीप कुँवर र डा.आध्या कार्की सहभागि थिए । सहजीकरण थोरापिस्ट प्रा.डा.आन्द्रे इग्नी र प्रा.डा.उमिद श्रेष्ठले गरेका थिए । दोश्रो चरणमा डा.विवके र डा.दिवस खड्काले गरेका थिए । त्यस्तै प्रा.डा.दिनेश श्रेष्ठ, प्रा.विक्रम प्रधान र प्रा.खुसराज देवान, डा.पासन्द शर्मा थिए । पित्ति नलीको कठिन पत्थरीको आधुनिक उपचारका बारेमा डा.उटे फाईफर, प्यान्क्रियाटिक तरल पदार्थ संकलनको ब्यवस्थापनको उत्तम तरिकाका बारेमा डा.मुकेश रञ्जन, विफलता पछिको अर्काे चरणका बारेमा प्रो.डा.ए.एस.इम्नीले प्रस्तुती राखेका थिए ।