शिक्षामा निजी क्षेत्रको भूमिका: गुणस्तरीय शिक्षाको अर्काे नाम हो ‘निजी विद्यालय’

एसईई, कक्षा १२ र अन्य व्यावसायिक तथा प्राविधिक परीक्षा नतिजा अनुसार, निजी विद्यालयका विद्यार्थीहरूको पास दर र उच्च प्रदर्शन सरकारी विद्यालयभन्दा बढी देखिन्छ ।

शिक्षक, प्रशासक, कर्मचारीदेखि लिएर प्राविधिक र सहयोगी जनशक्तिसम्म, निजी शिक्षाले लाखौँ नेपालीलाई रोजगार दिएको छ ।

अनलाइन शिक्षण, डिजिटल कक्षा, प्रोजेक्ट–आधारित अध्ययन र अन्तरक्रियात्मक शिक्षण पद्धतिले नेपाललाई विश्व शिक्षण प्रवृत्तिसँग जोडेको छ ।

खेलकुद, कला, संगीत, नेतृत्व विकास, सामाजिक सेवा र संचार सीपजस्ता सह–शैक्षिक गतिविधिमा जोड दिँदै निजी विद्यालयहरूले विद्यार्थीलाई आत्मविश्वासी र जिम्मेवार नागरिक बनाएका छन् ।

करिब ३४% विद्यार्थी निजी विद्यालयमा अध्ययनरत छन् । यसले सरकारी शैक्षिक लगानीमा ठूलो भार कम गरेको छ र राज्यलाई प्राथमिकता अन्य क्षेत्रमा केन्द्रित गर्न सक्षम बनाएको छ ।

प्राविधिक, व्यावसायिक र विश्वविद्यालय तहको शिक्षा विस्तार गरेर विद्यार्थीलाई रोजगारमूलक सीप, अनुसन्धानको अवसर र अन्तर्राष्ट्रिय प्रतिस्पर्धामा खडा हुन सक्ने क्षमता प्रदान गरेको छ ।

धेरै निजी विद्यालयहरूले अन्तर्राष्ट्रिय पाठ्यक्रम (जस्तै  IB, Cambridge) र विद्युतीय शिक्षा प्रणाली अपनाएर विद्यार्थीलाई विश्वस्तरीय शिक्षा र अवसर प्रदान गरेका छन् ।

छात्रवृत्ति, आर्थिक कमजोर विद्यार्थीका लागि छुट र डिजिटल पहुँचको व्यवस्था गर्दै निजी विद्यालयहरूले शिक्षा समानता र पहुँच सुधारमा पनि योगदान गरेका छन् ।

(लेखक प्याब्सन काभ्रेका अध्यक्ष हुनुहुन्छ ।)