काभ्रे/बागमती प्रदेशबाट सचिव बन्ने गरी पोलिटब्युरो सदस्य गोकुल बास्कोटाले तयारी शुरु गरेका छन् । पछिल्लो समय पार्टी अध्यक्ष केपी शर्मा ओलीसँग असन्तुष्ट बास्कोटा ओली प्रधानमन्त्री हुँदा उनकै नेतृत्वको मन्त्रीमन्डलमा सरकारका प्रवक्ता समेत थिए ।
एमालेले यो महाधिबेशनका लागि विद्यान अधिबेशन सम्पन्न गरिसकेको छ । विद्यानले पार्टी पदाधिकारीहरुको संख्या घटाएको छ । आंकाँक्षी धेरै भएकाले ब्यवस्थापनमा कठिनाई हुने एमालेले बताए पनि बास्कोटा सचिव पदमा उम्मेदवारी दिने गरी महाधिबेशन प्रतिनिधिहरु विच वातावरण बनाउने अभियानमा सक्रिय भएका छन् । राष्ट्रिय तथा अन्तराष्ट्रिय मुद्दामा समेत स्पष्ट विचार राख्दै आएका बास्कोटाले पछिल्लो समय संविधान दिवसका दिन बनेपामा आयोजित पार्टीको कार्यक्रममा ब्यक्त धारणा लोकप्रिय बनेको थियो । केहि दिन पछि सार्वजनिक भएको अन्र्तवार्तामा पार्टी नेतृत्वका बारेमा भदौ २३ र २४ गते भएको आन्दोलनका क्रममा भएका घटनामा खुलेर आलोचना गरे पछि उनि केहि समय नेतृत्वको नजरमा आलोचित पनि बने । तर पनि उनले पार्टीको स्पष्ट दृष्टिकोण र निर्णयलाई कार्यकर्ताका बीचमा जस्ताको तस्तै पुर्याए । ।

कुनै बेला जिल्लामा एकलौटी मानिएको बास्कोटाको पक्षमा महाधिबेशन प्रतिनिधिहरु आधा आधा भएको टिप्पणी गरिएको छ । यद्यपी उनका हकमा सबै प्रतिनिधिहरुले मतदान गर्न सक्ने आंकलन गरिएको छ । उनी केन्द्रिय सदस्य हुँदै पोलिटब्युरो सदस्य भएका हुन् । अब केन्द्रिय सचिवका रुपमा तयारी गरिरहेका छन् । जिल्ला कमिटी अध्यक्ष, पार्टी विधान अनुसार त्यस अघि जिल्ला सचिव, उप सचिव हुँदै विभिन्न मोर्चामा सक्रिय बास्कोटा भूमिगतकाल देखि विद्यार्थी राजनीतिमा सक्रिय थिए । पछि पत्रकारिता हुँदै राजनीतिमा पुनः सक्रिय भएका थिए । प्रतिनिधि सभा क्षेत्र नम्वर २ बाट बास्कोटाले २०७९ र २०७४ को निर्वाचनमा अत्याधिक मत प्राप्त गरेका थिए । उनकै कार्यकालमा जिल्लामा महत्वपूर्ण र राष्ट्रिय गौरवका आयोजना संचालनमा छन् । केहि आयोजना सम्पन्न भईसकेका छन् ।
केन्द्रीय सदस्यमा आधा दर्जन आकांक्षी
काभ्रेपलाञ्चोक जिल्लाबाट यस अघि नेकपा एमालेको पोलिटब्युरो सदस्य गोकुल बास्कोटा थिए । उनी काभ्रेपलाञ्चोक जिल्लाका इन्चार्ज पनि थिए । केन्द्री सदस्यमा रेशम लामा, नविना लामा र रुकमिणी बराईली कार्यरत थिए । बास्कोटा सचिव पदमा प्रतिस्पर्धा गर्ने भएका छन् भने अन्य पुनः केन्द्रीय सदस्यमा दोहोरिने मनस्थितीमा छन् ।
पहिलो पल्ट जिल्लाबाट केन्द्रीय सदस्य पदका लागि अशोक ब्याञ्जु, कुमार थापा, भिम न्यौपाने, रिता ढकाल, चन्द्र लामा, ज्ञानबहादुर लामा, अमित लामा, इन्द्र तामाङ उठ्ने मनस्थितिमा छन् । यद्यपी कसैले पनि उम्मेदवारी भने घोषणा गरिसकेका छैनन । महाधिबेशन प्रतिनिधिहरु मध्ये अन्य पनि उम्मेदवार हुन सक्ने अवस्था छ । दुई पटक नेपाल नगरपालिका संघको केन्द्रीय अध्यक्ष भएर स्थानीय तह तथा निकायसँग राम्रो समन्वय गरिसकेका हिसावले अशोक ब्याञ्जु उम्मेदवार बन्ने गरी तयारीमा जुटेका छन् । हाल उनी दोश्रो पटक धुलिखेल नगरपालिकाको प्रमुख पदमा कार्यरत छन् । यस अघि अन्तर सरकारी समन्वय निकायको सदस्य तथा नेपाल सरकारका विभिन्न समितिहरुमा पदेन सदस्यका रुपमा नेपाल नगरपालिका संघका तर्फबाट प्रतिनिधित्व गर्दै आएका थिए । स्थानीय तहको सरकारका रुपमा नमुना र राष्ट्रिय तथा अन्र्तराष्ट्रिय रुपमा चर्चा परिचर्चा हुने गरी कार्य गरेका ब्याञ्जुलाई पार्टी अध्यक्षले केन्द्रीय सदस्य पदका लागि प्रतिस्पर्धामा सहभागि हुन निर्देशन दिएका छन् ।
आकाँक्षी मध्ये अन्य प्रतिनिधिहरुले पनि केन्द्रीय सदस्य पदमा उम्मेदवारी दिन बलियो दावी प्रस्तुत गरिसकेका छन् । अमित लामा र चन्द्र लामाले युवाको तर्फबाट प्रतिनिधित्व गर्दैछन् भने रिता ढकाल लगायतले महिला तर्फबाट प्रतिस्पर्धाको तयारी गरेका छन् । ढकाल पुर्व माओवादीबाट नेकपा हुँदै समायोजनमा नेकपा एमालेमा सक्रिय छिन् । सक्रिय र शशक्त ब्यक्तिका रुपमा ढकाललाई चिनिन्छ । त्यस्तै स्थानीय निकाय र तहमा समेत नमुना कार्य गरेका भिम न्यौपाने पनि केन्द्रीय सदस्यका लागि प्रतिस्पर्धाको तयारीमा जुटेका छन् । उनी इमान्दार कार्यकर्ताका रुपमा पार्टी भित्र स्थापित छन् ।
कुमार थापा पार्टी स्थापना देखि निरन्तर सक्रिय र पुराना राजनीतिज्ञका रुपमा चिनिन्छन् । ज्ञानबहादुर लामा बागमती प्रदेश सभा सदस्य छन् । उनी स्थानीय स्तरमा कम सक्रिय मानिन्छन् । इन्द्र तामाङ सुकुम्बासीहरुको क्षेत्रमा सक्रिय नेता हुन् । जिल्ला र स्थानीय तहमा सक्रिय भई शशक्त रुपमा कार्यरत छन् । अन्य प्रतिनिधिहरुले पनि केन्द्रीय सदस्य हुने इच्छा ब्यक्त गरेका छन् । महाधिबेशन प्रतिनिधिमा छनौट भएकाहरु अधिकांश केन्द्रीय सदस्यका लागि योग्य भएको प्रतिक्रिया दिएका छन् ।
यी हुन् छनौट भएका प्रतिनिधिहरु
प्रतिनिधि सभा क्षेत्र नं. १ बाट खुल्ला तर्फका प्रतिनिधिहरु: अमित लामा (अमि), चन्द्र लामा, ठाकुर बास्कोटा, राजन भुर्तेल, ज्ञानबहादुर तामाङ, देवसागर लामा ।

महिलातर्फ: उमा थापा, गिता बन्जारा, गीता तामाङ, पवित्रा भुर्तेल ।

युवा तर्फ: जेनिश (जेन) लामा ।
प्रतिनिधि सभा क्षेत्र नं. २ खुल्लातर्फ: अशोक व्याञ्जु, कन्चन अधिकारी, कुमार थापा, पे्रेम लामा, भिम न्यौपाने, रत्नकुश रंजितकार, हरिशरण दाहाल ।

महिलातर्फ: उन्नति केसी, जिवनदेवी रायमाझी (सरिता), निर्मला शाही, रिता गौतम ढकाल ।

युवातर्फ: ईश्वर सापकोटा ।
दलिततर्फ: मदन विश्वकर्मा ।